حوار بين إبليس وابن آدم

بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته

إخواني أخواتي أقدم لكم هذه القصيدة الأكثر من رائعة وهي تمثل الصراع الأزلي مع ابن آدم و الشيطان وأترككم مع القصيدة

وهي للشاعر جابر الكاظمي ( باللهجة العراقيه )


اقدم لكم سهرة مع ابليس

جلس ابليس قائلا :

قال اشعندي انا اوياك يابن ادم علي ترمي الشتايم ولعن ألوان ؟!

تعال اقعد ونتحاسب انا اوياك و مابينك وبيني يحكم الوجدان

انا الباري امرني اسجد لآدم اومانفذت حكم الخالق الديان

قلت ياربي آنه اسجد الوجهك لجن كلّفت علي ما أسجد لانسان

اخلقت ادم ياربي ابقدرتك من طين و آنه اخلقتني من سنة النيران

غضب رب الجلالة و قال روح ابعد وطردني من العبودية ورحت ندمان

هذي قصتي ويا الـــــــباري الــــــنوبة ارجع القصــــــتك يا بـــو فلان

من قابيل أبديها لقتل هابيل و اشلون انسفك دمه ذوله مش إخوان ؟!

هم آنا اقطعت منحر النبي يحــيى ، نبي وينذبح ما تجاوبي ذنبه ايش كان ؟!

هم أنا لقلــت ياناس عبدوني مثل فرعون وتحـــــــدى قوى الرحمــن ؟!

هم آنا اللي ردت اغدر بالنبي موسى يوم اللي قلــــب ذيك العصا ثعبان ؟!

هم آنا اللي ردت اغدر بالنبـي يوسف مثل أخوته وتالي اتهموا السرحان( الذئب ) ؟!

هم آنا اللي ردت أصــلب النبي عـيســــى على ذاك الصــــليب اقبال أهــل نجران ؟!

هــــم آنا الي جبت وحشــي على الحمزه وأكـلت كبده مثل زوجة أبي سفيان ؟!

وحق ربي اللي تعبده الناس يا ابن آدم شفت منك مصيبة تشيب الرضعان !!!

ابن بضعة نبيك طــــاح بأرض الطف وجســــــمه بلا كفن واتكفن بتربان

وبني جنسه اعتـنت من كل مهب وصوب وصدر حسين صار لخيلهم ميدان

وعقب قتله انحمل فوق الرمح راســه وعلى الأيتام و الحراير حــــرقوا الصيوان ( الخيم )

هــم آنا اللي قلت اقطع نــزاع القوم يا حرمله وروح اضرب طــــــــفل عطشــــان ؟!

هم آنا اللي سبيت أطــفـــال فــوق النوق يسيرة بنت علي توقف وســـط ديوان ؟!

اش كثر من عقب قتل حسين أهل بيته شافت محن وهموم وغصص وأشجان ؟!

اشكر ربي لأنه خلقني ابلـــــيس وما ســـــواني واحــــــد من بــــني مروان

وسلامتكم

تعليق : القصيدة معبّره وتحاكي معاصي بني آدم وما فعله على مر العصور والتواريخ جحوده لنعم الباري التي أنعم عليه ولم يشكره حق شكره ، ولا زال ابن آدم يخطئ ويخطئ حتى أصبح ابليس يتبرّأ من عمل هذا الانسان .

تقبلوا تحياتي